Ինձ դուր են գալիս մարդիկ, որոնք բաբախում են, որոնց հարկ չկա մղել ինչ-որ բանի, որոնց պետք չէ ասել, որ ինչ-որ բան անեն, որովհետև գիտեն, թե ինչ է պետք անել և հենց այդպես էլ անում են: Մարդիկ, որոնք «մշակում են» են իրենց երազանքները, այնքան, մինչև որ այդ երազանքները տիրանում են իրենց իսկ իրականությանը:
Ինձ դուր են գալիս մարդիկ, որոնք ունակ են իրենց քայլերով իրենց վրա վերցնել հանգամանքները, մարդիկ, որոնք վտանգում են իրականն ու անիրականը երազի հետևից գնալու համար, որոնք իրենց թույլ են տալիս փախչել խելամիտ խորհուրդներից՝ լուծումները թողնելով Աստծո ձեռքերում:
Ինձ դուր են գալիս մարդիկ, որոնք արդար են իրենց շրջապատող մարդկանց ու իրենք իրենց հետ, մարդիկ, որոնք շնորհակալություն են հայտնում նոր օրվան, իրենց կյանքում գոյություն ունեցող լավին, որոնք ամեն ժամն ապրում են լավ տրամադրությամբ՝ տալով իրենցից ամենալավը, որոնք շնորհակալ են ողջ լինելու համար, որ կարող են ժպիտներ նվիրել, ձեռք մեկնել և բարեհոգաբար օգնել՝ փոխարենը ոչինչ չպահանջելով:
Ինձ դուր են գալիս մարդիկ, որոնք կարող են կառուցողականորեն ու ուղիղ քննադատել ինձ՝ առանց ինձ ցավեցնելու և վիրավորելու:
Մարդիկ, որոնք չափի զգացում ունեն…
Ինձ դուր են գալիս մարդիկ, որոնք արդարության զգացում ունեն. նրանց կոչում եմ ընկերներ:
Ինձ դուր են գալիս մարդիկ, որոնք գիտակցում են երջանկության կարևորությունը և քարոզում են դա: Մարդիկ, որոնք կատակների միջոցով սովորեցնում են մեզ հումորով ընդունել կյանքը: Մարդիկ, որոնք երբեք չեն դադարում մանուկ լինել:
Ինձ դուր են գալիս մարդիկ, որոնք վարակում են իրենց էներգիայով: Ինձ դուր են գալիս պարզ ու անկեղծ մարդիկ՝ ունակ խելամիտ փաստերով հակադրվելու յուրաքանչյուրի որոշումներին:
Ինձ դուր են գալիս հավատարիմ ու համառ մարդիկ, որոնք չեն թուլանում, երբ փորձում են հասնել իրենց նպատակներին ու գաղափարներին:
Ինձ դուր են գալիս տեսակետ ունեցող մարդիկ, նրանք, որոնք չեն ամաչում գիտակցել, որ սխալվել են կամ որ ինչ-որ բան չգիտեն: Մարդիկ, որոնք իրենց սխալներն ընդունելիս, ջանում են նորից չկրկնել դրանք: Մարդիկ, որոնք պայքարում են ձախորդությունների դեմ: Մարդիկ, որոնք ելք են փնտրում:
Ինձ դուր են գալիս մարդիկ, որոնք ներքուստ են մտածում ու չափում, որոնք չեն արժևորում իրենց նմաններին հասարակական կաղապարով կամ թե ինչպես են նրանք փայլում: Մարդիկ, որոնք չեն դատվում ու չեն թողնում, որ ուրիշները դատեն:
Ինձ դուր են գալիս մարդիկ, որոնք անհատականություն ունեն…
Ինձ դուր են գալիս մարդիկ, որոնք ունակ են հասկանալու, որ մարդկային էության մեծագույն սխալը փորձելն է գլխից հանել այն, ինչը դուրս չի գալիս սրտից:
Զգայունությունը, քաջությունը, համերաշխությունը, բարությունը, հարգանքը, հանգստությունը, արժեքները, ուրախությունը, հնազանդությունը, հավատը, տակտը երջանկությունը, վստահությունը, հույսը, շնորհակալության զգացումը, իմաստությունը, երազանքները, զղջումը և սերը հիմքեր են՝ մարդ կոչվելու համար:
Այս տիպի մարդկանց հետ խոստանում եմ լինել կյանքիս մնացած օրերին, քանի որ նրանց իմ կողքին ունենալով՝ լավ եմ վարձատրվում:
Հարցեր և առաջադրանքներ
1. Կարդալ ստեղծագործությունը
2. Ընտրել որևէ շարք և պարզաբանել
Զգայունությունը, քաջությունը, համերաշխությունը, բարությունը, հարգանքը, հանգստությունը, արժեքները, ուրախությունը, հնազանդությունը, հավատը, տակտը, երջանկությունը, վստահությունը, հույսը, շնորհակալության զգացումը, իմաստությունը, երազանքները, զղջումը և սերը հիմքեր են ՝ մարդ կոչվելու համար:
Այս տիպի մարդկանց հետ խոստանում եմ լինել կյանքիս մնացած օրերին, քանի որ նրանց իմ կողքին ունենալով ՝ լավ եմ վարձատրվում:
Այս շարքը բավական շատ և մեծ ասելիք ունի: Իհարկե, հենց այս բոլոր մարդկային հատկանիշները պետք է ունենա իսկական մարդը: Իմ կարծիքով այն մարդը, ով չունի այս հատկանիշները, իր վրա դեռ շատ աշխատելու տեղ ունի: Ես ինքս շփվում եմ այն մարդկանց հետ, ովքեր ունեն այս հատկանիշները, նրանց հետ շփվելը շատ հաճելի է: Իմ կարծիքով ես նույնպես ունեմ այս հատկանիշները, և հենց դրանց շնորհիվ է, որ ունեմ և շարունակում եմ ունենալ ու ձեռք բերել շատ ընկերներ: ,,Նրանց իմ կողքին ունենալով ՝ լավ եմ վարձատրվում,, նախադասության մեջ նույնպես շատ ասելիք կա: Ասելիքը այն է, որ նշված հատկանիշներով մարդու կամ մարդկանց հետ շփվելով, Աստծո կողմից ստանում ենք այսպես ասած ՝ ,,վարձատրություն,,: Այո, վարձատրություն այն բանի համար, որ մենք շփվում ենք այդպիսի մարդկանց հետ:
3. Փորձեք շարունակել ,,Ինձ դուր են գալիս մարդիկ…,, շարքը
,,Ինձ դուր են գալիս մարդիկ…,,
Ինձ դուր են գալիս այնպիսի մարդիկ, ովքեր բարի են, հոգատար, մարդկային և ընկերասեր: Ես շփվում եմ տարբեր մարդկանց հետ, բայց ոչ բոլորն են համապատասխանում իսկական մարդկանց տեսակներին: Ես ունեմ շատ ընկերուհիներ, բայց իմ ընկերուհիներից ոչ մեկը վատ մարդ չէ: Նրանք շատ լավն են և համապատասխանում են իսկական մարդու և ընկերուհու տեսակին: Ես շատ եմ սիրում իմ ընկերուհիներին և շատ ուրախ եմ, որ ունեմ այդպիսի բարի, հոգատար, մարդկային և ընկերասեր ընկերուհիներ:
Արփինե Խաչատրյանի բլոգ 